سياسة الخصوصية

اخر تحديث: 5 اكتوبر 2026

Flowly Groups خدمة بتقدمها Aliens Express. الصفحة دي بتوضح البيانات اللي بنحتفظ بيها، وليه، ولحد امتى.

البيانات اللي بنجمعها

• بيانات الحساب: الاسم والشركة والايميل والموبايل، وده اللي بتكتبه وانت بتسجل.
• الارقام المربوطة: رقم الواتساب واسمه، وبيانات الربط اللازمة عشان الرقم يفضل متصل.
• الجروبات: اسم الجروب ومعرفه وعدد اعضاءه، وكود الربط اللي بتحطه انت.
• الرسايل: الرسايل اللي بتبعتها من خلالنا وحالتها، والرسايل والملفات اللي بتوصل لارقامك لو الخاصية دي مفعلة على حسابك.
• بيانات تقنية: سجلات الطلبات على ال API وعنوان ال IP، للامان ولحل المشاكل.

بنستخدمها في ايه

بنستخدمها عشان نشغل الخدمة: نبعت رسايلك، ونوصلك الرسايل والملفات، ونحسب الاستهلاك والاشتراك، ونبعتلك تنبيهات الحساب والفواتير. مش بنبيع بياناتك لحد.

مين بيشوفها

• EasyKash: لما تدفع اونلاين، عشان تتم عملية الدفع.
• مزود الايميل: عشان نبعتلك اكواد التاكيد والتنبيهات والفواتير.
• اي جهة ليها حق قانوني تطلبها.

بنحتفظ بيها لحد امتى

• الملفات اللي بتوصل لارقامك بتتمسح من عندنا بعد 7 ايام (او المدة المتفق عليها لحسابك)، فاسحبها على السيستم بتاعك اول ما توصل.
• سجلات الرسايل والحساب بتفضل طول ما الحساب شغال، وتقدر تطلب مسحها.
• النسخ الاحتياطية مشفرة وبتتمسح لوحدها بعد مدة محدودة.

حقوقك

تقدر تطلب نسخة من بياناتك، او تعديلها، او مسح حسابك وكل بياناته في اي وقت، عن طريق التواصل معانا.

الامان

الاتصال كله مشفر (HTTPS)، ومفاتيح ال API والباسوردات متخزنة متشفرة، ولوحة الادارة محمية بالتحقق بخطوتين.